Kommunurnar fingu 2,5 milliardir í skatti í fjør

Kommunurnar fingu 2,5 milliardir í skatti í fjør
Høvuðsstaðarkommunan fekk meira enn eina milliard í skattainntøku í 2024
Kommunurnar fingu 2,5 milliardir kr. í skatti í fjør, og vøksturin er 6,5 prosent samanborið við árið fyri.
Mynd: Bjarni Árting Rubeksen  
 
07.01.2025 - 08:18

Hjá teimum flestu kommununum hilnaðist árið í fjør betur enn 2023.

Tað vísir ein uppgerð hjá Taks, sambært Dimmalætting.

Uppgerðin vísir, at í fjør fingu kommunurnar kring landið góðar 2,5 milliardir inn í skatti. Í prosentum er talan um ein vøkstur upp á 6,54 prosent.

Tað eru bara fýra kommunur, sum hava fingið minni inn í skatti í fjør enn í 2023, men talan er um lítla afturgongd. 

 

Tórshavnar kommuna fær mest

Tórshavnar kommuna er tann kommunan í landinum, sum fær nógv mest í inntøku. Í fjør fóru inntøkurnar hjá Tórshavnar kommuna upp um eina milliard, tí hon hevði 1.067 milliónir í skattainntøku í fjør, og tað eru 8,33 prosent meiri enn í 2023.

Sostatt var vøksturin í Havnini nakað yvir miðal, sum altso var 6,54 prosent, og 42 prosent av øllum inntøkunum fullu niður í Havnini.

Hinvegin standa inntøkurnar hjá landskassanum mest sum í stað.

Í fjør fekk landskassin góða 2,1 milliard í inntøkum av skatti, og tað eru 0,14 prosent meiri enn í 2023.  

Er kopiera
Nýggjastu sendingar í ÚV
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Fríggjadag 4. apríl
Vikuskiftið 4 apríl 2025
190276
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208