Pedagogfelagið sent arbeiðsgevarunum uppskot

Føroya Pedagogfelag hevur sent Kommunala Arbeiðsgevarafelagnum og Lønardeildini hjá Fíggjarmálaráðnum eitt semingsuppskot. 

- Vit vænta, at arbeiðsgevararnir kunnu góðtaka hetta, sigur Jógvan Philbrow, formaður í Pedagogfelagnum, sum tók stig til uppskotið, tá tað týsdagin frættist, at  allir partar bíðaðu hvør eftir øðrum. 

Uppskotið hjá Pedagogfelagnum tekur støði í menniskjaligum haldføri, sum formaðurin málber seg.

Byggir á semingsuppskotið

Jógvan Philbrow væntar, at mótparturin fer at góðtaka semingsuppskotið, tí tað byggir á semingsuppskotið, sum Semingsstovnurin legði fyri partarnar fríggjadagin. 

Arbeiðsgevararnir góðtóku semingsuppskotið, men Pedagogfelagið vrakaði tað.

Pedagogfelagið væntar at fáa svar frá KAF og Lønardeildini í morgin. 

Meiri verður at frætta í útvarpstíðindunum.