Mjølnir vann gull eftir hvøkk

Ítróttahøllin Inni í Dal (Bónus-steypakappingin, finala)

Mjølnir - Fleyr, 3-2 (25-17, 25-18, 15-25, 23-25, 15-6)

Tað var ein gyltur dagur fyri Mjølnir, tá bæði kvinnu- og mansliðið hjá felagnum vunnu steypafinalurnar, sum vóru í ítróttarhøllini Inni í Dal í Sandoynni í gjár.

Hjá monnum var Mjølnir favorittur ímóti Fleyr, sum eitt sindur óvæntað hevði sent SÍ úr steypakappingini í hálvfinalunum. Tað livdu norðingarnir upp til, men fimm sett skuldu kortini til. 

Mjølnir vann tvey tey fyrstu trygt, men Fleyr svaraði aftur við at vinna 3. og 4. sett og javna. Í javnbrótaranum var tó eingin ivi: Mjølnir vann 15-6, og tryggjaði felagnum annað steypagullið á degnum.

Hetta vóru síðstu dystirnir í heimligum flogbólti í ár.