Lættari at sleppa á politiskúla

Lættari at sleppa á politiskúla
Samstundis sum kropsligu krøvini verða linkað, skal størri fokus vera á kanningararbeiði og málsviðgerð.
Mynd: Tony Brøchner  
 
18.06.2018 - 18:19

Nú verður lættari at sleppa á politiskúla.

Samstundis sum kropsligu krøvini verða linkað, skal størri fokus vera á kanningararbeiði og málsviðgerð.

Kvinnuligir umsøkjarar skulu kunna renna 2400 metrar uppá 13 og ein hálvan minutt. Áður var kravið 13 minuttir. Mannligir umsøkjarar skulu renna sama tein uppá 12 minuttir. Áður var kravið 11 og ein hálvan minutt til teir 2400 metrarnar. Eisini verða krøvini til aðrar kropsligar venjingar linkaði.

Ina Elilasen, sum er HR-stjóri í Ríkispolitinum, sigur við Danmarks Radio, at Politiskúlin vil hava fleiri at søkja.

- Vit hava valt at gera tað lættari at sleppa inn, og so afturfyri at seta størri krøv, meðan tey eru hjá okkum. Tá vit gera tað, fáa vit fleiri at velja ímillum, sigur hon.

Samstundis sum kropsligu krøvini verða linkað, verður sjálv útbúgvingin longd við fýra mánaðum, so tað nú fer at taka tvey ár og fýra mánaðir at blíva løgreglufólk.

Claus Oxfeldt, sum er formaður í Politifelagnum, rósar broytingunum.

- Atfinningar hava verið um, at tey nýútbúnu ikki hava verið nóg før til at skriva frágreiðingar og til kanningararbeiði, og tað vóna vit, at broytingarnar fara at bøta, sigur hann við Danmarks Radio.

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208