Semingsstovnurin hittir Fíggjarmálaráðið seinnapartin

Semingsstovnurin hittir Fíggjarmálaráðið seinnapartin
Maskinmeistarafelagið hevur boðsent Semingsstovninum í sáttmálatrætuni við Fíggjarmálaráðið um Strandferðsluna
Sáttmálin millum Fíggjarmálaráðið og Maskinmeistarafelagið fevnir eisini um kalsoyarleiðina.
 
03.06.2024 - 11:07

Semingsstovnurin, sum er komin upp í sáttmálatrætuna millum Maskinmeistarafelagið og Fíggjarmálaráðið um sáttmálan viðvíkjandi Strandferðsluni, fer seinnapartin at tosa við Fíggjarmálaráðið.

Semingsstovnurin hevur eisini tosað við Maskinmeistarafelagið.

- Vit tosa við partarnar fyri at seta okkum inn í, hvat málið snýr seg um, og hvar ósemjurnar eru, sigur Terje Sigurðsson, semingsmaður.

 

Arnfinn Bech. (Mynd: Maskinmeistarafelagið)

 

Semingsstovnurin hevur ikki lagt nakra ætlan, nær partarnir verða boðsendir til seming.

Tað var fríggjadagin 31. mai, at samráðingarnar millum Maskinmeistarafelagið og Fíggjarmálaráðið slitnaðu, og Maskinmeistarafelagið sendi boð eftir Semingsstovninum.

Arnfinn Bech, formaður í Maskinmeistarafelagnum, segði soleiðis í útvarpinum leygardagin:

 

03062024_Arnfinn_Bech

 

Umleið 20 fólk eru fevnd av sáttmálanum millum Maskinmeistarafelagið og Fíggjarmálaráðið um Strandferðsluna.

Leiðirnar, talan er um, eru suðuroyarleiðin, nólsoyarleiðin, hestleiðin og kalsoyarleiðin.

Er kopiera
Nýggjastu sendingar í ÚV
Nýggjastu sendingar í SV
Týsdag 1. apríl
Veðrið
190120
Týsdag 1. apríl
Heðin Brú 2:2 - teknmálstulkað
190126
Týsdag 1. apríl
DOK01430 - teknmálstulkað
190125
Sunnudag 30. mars
Andakt
190022
Sunnudag 30. mars
Møti úr Nebo á Toftum
190017