Sarah skal boksa HM-dyst í USA

Sarah skal boksa HM-dyst í USA
Sarah Mahfoud fær nú aftur kjansin at boksa seg til eitt heimsmeistaraheitið. Hon hittir Skye Nicolson í Las Vegas 6. apríl, tá WBC-heitið stendur upp á spæl
Sarah Mahfoud fær nú aftur kjansin at boksa seg til eitt HM-heitið
 
05.03.2024 - 11:19

Nú fær Sarah Mahfoud aftur kjansin at gerast heimsmeistari í boksing.

Í apríl skal hon boksa ímóti avstralsku Skye Nicolson í Las Vegas um WBC-heimsmeistaraheitið í fjaðurvekt.

 - Hetta verður risastórt, og eg eri svong eftir at vinna beltið, sigur Sarah Mahfoud.

Sarah Mahfoud varð heimsmeistari hjá IBF-sambandinum, tá hon vann á Brenda Karen Carabajel í 2020. Hon vardi heitið ímóti Nina Meinke tvey ár seinni, áðrenn hon misti beltið, tá hon tapti fyri Amandu Serrano í Manchester í 2022. 

 - Eg havi vant hart fyri at koma higar. Eg vil gjarna kalla meg heimsmeistara aftur og ikki fyrrverandi heimsmeistara, sigur hálvi føroyingurin, sum hevur vunnið 14 av sínum 15 dystum higartil.

Seinasti dysturin hjá 34 ára gomlu Sarah Mahfoud var ímóti Marcela Eliana Acuna í Royal Arena í Keypmannahavn í oktober í fjør. Ta ferðina vann hon upp á stig.
 

Er kopiera
Nýggjastu sendingar í ÚV
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180
Týsdag 1. apríl
Veðrið
190120