100.000 gistingar í summar

Nærum 100.000 gistingar vóru á føroysku gistingarhúsunum í summarmánaðunum, juni, juli og august. 

Hetta er tvífalt so nógv sum í 2013, tá 44.000 gistingarnætur vóru, skrivar Hagstovan. 

 Gistinætur telja, hvussu nógv, og hvussu leingi fólk gista á gistingarhúsum.

32 prosent fleiri gistinæstur vóru í summarmánaðunum í ár, samanborið við sama tíðarskeið í fjør. 

Verður borið saman við 2019, sum frammanudan var metár, hava gistingarnar verið 6.000 fleiri í ár.