Ófráboðaðir spurningar og strikað ríkisveiting í tinginum í dag

Fyri fyrstu ferð í hesi tingsetuni eru ófráboðaðir fyrispurningar í løgtinginum í dag.

Ófráboðaðir spurningar kunnu í mesta lagi vara eina tíma, og hvør spurningur má í mesta lagi vara í 10 minuttir, sigur tingskipanin.

Hvørt løgtingsfólk kann bara koma við einum høvuðsspurningi. 

Eftir ófráboðaðu spurningarnar fer løgtingið at viðgera uppskotið hjá Tjóðveldi um at strika donsku ríkisveitingina til Føroya.

Tjóðveldi vil, at ríkisveitingin úr Danmark, sum nú er 641,8 mió. kr., minkar góðar 90 mió. kr. um árið til einki er eftir í 2030.

Tingfundurin í dag er kl.11.00.