Fíggjarlógin 2017 til triðju viðgerð í dag.

Ætlanin er millum annað at seta sjeyhundraðtúsund krónur av til eitt víðkað háskúlatilboð í Vági, fýrahundraðtúsund krónur verða settar av at fyrireika ein eftirskúla í norðaru helvt av Suðuroynni og fýrahundraðtúsund krónur verða settar av til at fyrreika ein nýggjan húsarhaldsskúla í Klaksvík.

Andstøðan hevur 21 broytingaruppskot. Fíggjarlógin skal samtykkjast innan árslok, tí hon fær gildi fyrsta januar.

Les eisini: Fíggjarlógin á skránni

Løgtingið fer eisini at hava aðru viðgerð av málinum um at lata eykajáttan til Salt siluna á Drelnesi. Málið hevur ligið í fíggjarnevndini síðan seinast í oktober, men á fundinum fríggjadagin, atkvøddi eitt samt løgting fyri at fáa málið aftur úr fíggjarnevndini.

Løgtingsfundurin byrjar klokkan hálvgum tvey seinnapartin.