Frítekst tagging:
- Tíðindi, mentan og ítróttur
Javnaðarflokkurin leggur nevndarkabalu
Javnaðarflokkurin leggur nevndarkabalu
Politiskur viðmerkjari heldur, at møguliga verður fyrireikað, at Ingilín D. Strøm skal taka við sum forkvinna í flokkinum
Ingilín D. Strøm fór aftur í løgtingið, tá legði frá sær sum landsstýriskvinna.
06.02.2025 - 08:59
Í Javnaðarflokkinum verður ein stór og torfør kabala løgd í løtuni.
Aksel V. Johannesen, løgmaður og formaður í Javnaðarflokkinum, váttaði fyrr í vikuni fyri Norðlýsinum, at Javnaðarflokkurin fer at umskipa sínar nevndarsessir í løgtinginum, og at Ingilín D. Strøm skal hava fleiri nevndarsessir.
Síðani Ingilín D. Strøm legði frá sær sum landsstýriskvinna og fór aftur í tingið, hevur hon sitið í rættarnevndini. Henda sessin hevði Súsanna Bertholdsen, sum nú er landsstýriskvinna í heilsumálum.
Løgmaður ætlar, at Ingilín D. Strøm skal fáa fleiri nevndarsessir í tinginum. (Mynd: Bjarni Árting Rubeksen)
Ingi Samuelsen, politiskur viðmerkjari, heldur, at ætlanin er møguliga at gera klárt til, at Ingilín D. Strøm kann taka við sum forkvinna í Javnaðarflokkinum.
Hoyr innslag í útvarpstíðindunum:
06022025_Javnadarflokkurin_og_nevndir
Ingi Samuelsen. (Mynd: Bjarni Árting Rubeksen)
Ingilín D. Strøm hevur onga viðmerking um, hvørjar nevndarsessir hon fer at krevja.
Eisini hevur ljóðað, at nevndarsessirnir hjá Tjóðveldi skulu mannast av nýggjum, men tað avsannar Sirið Stenberg, forkvinna, í skrivligum boðum til Kringvarpið.
Er kopiera
Nýggjastu sendingar í ÚV
Nýggjastu sendingar í SV
