Fara undir at fyrireika hølini til MR-skannaran

Hølisviðurskiftini á Klaksvíkar sjúkrahúsi til at seta MR-skannaran upp eru góð, men neyðugt er við umbyggingum og nýggjum el-innføringum.

Til hetta krevst 1,3 milliónir krónur krónur, sum løgtingið nú hevur samtykt at játta Klaksvíkar sjúrkahúsi.  

- Eg fegnist um, at hetta málið hevur so breiða undirtøku í løgtinginum og varð einmælt samtykt, sigur Eyðgunn Samuelsen, forkvinna í fíggjarnevndini, í tíðindaskrivi, nú løgtingið hevur samtykt eykajáttanina til Klaksvíkar sjúkrahús. 

Skannarin bílagdur

Fíggjarnevndin hevur fingið upplýst, at skannarin er bílagdur og verður nú framleiddur.

Verða høli og annað klárt, so kann skannarin standa klárur og verða tikin í nýtslu um miðjan apríl.

Klaksvíkar sjúkrahús, sjúkrahúsið í Klaksvík

300 kanningar flytast heim til Føroya

Tað var í apríl at vinnufyritøkur í norðurøkinum lótu Klaksvíkar sjúkrahúsi 13 milliónir krónur at keypa ein 3 Tesla MR-skannara fyri.

Skannarin fer at hava við sær, at vit kunnu gera fleiri kanningar í Føroyum, sum í dag verða gjørdar uttanlands, serliga innan prostatakrabba og bróstkrabba.

Sambært arbeiðsbólki er eitt varið boð er, at slakar 300 kanningar tilsamans í hesum sjúklingabólkum kundu verið gjørdar her heima, um ein 3T MR-skannari var í Føroyum.

Soleiðis, sum gongdin hevur verið seinnu árini, so kunnu vit vænta at talið fer at vaksa við tíðini.