Frádráttur fyri at arbeiða uttanlands verður ikki tikin av

Landsstýrið hevur ikki fulla undirtøku í samgonguni um frádrátt hjá teimum, sum arbeiða uttanlands.

Umboðini hjá samgonguni í fíggjarnevndini hava broytingaruppskot í sambandi við uppskotið hjá Ruth Vang, landsstýriskvinnu, um at minka stigvíst fiskimannafrádráttin og strika samdøgursfrádráttin og uttanlandsfrádráttin.

Tey vilja ikki strika samdøgursfrádráttin.

Hann skal niður í 120 krónur í 2026, hann er 300 krónur nú, og har verður hann verandi.

Landsstýrið ætlaði, at hann skuldi minka eitt stig afturat í 2027 og detta heilt burtur í 2028.
  
Og uttanlandsfrádrátturin verður verandi 48.000 kr., eisini eftir 2026.

Landsstýrið ætlaði, at hann skal minka eitt stig afturat í 2027 og detta heilt burtur í 2028.

Um fiskimannafrádráttin hevur meirilutin einki broytingaruppskot.

Umboðini hjá andstøðuflokkunum í fíggjarnevndini mæla tinginum til ikki at samtykkja uppskotið hjá Ruth Vang.