"Húkurin er ikki einasta ímyndin av Klaksvík"

Kulfaktor Føroya er í dag á ferð í Klaksvík saman við Sámali Matras Kristiansen, samfelagsfrøðingi við sergrein í býarskipan, og Ninu Arge, sum er arkitektur og eftirútbúgvin innan býarskipan.

Sámal Matras Kristiansen heldur, at Húkurin ikki longur er einasta ímyndin av Klaksvím, nú nýggi miðbýurin í størri mun tekur skap, samstundis sum Klaksvík nú er vorðin ein modernaður tænastubýur.

Biskupstorg

Bæði Nina Arge og Sámal Matras Kristiansen eru á einum máli um at kósin í miðbýnum er hin rætta, og at vónandi verður hildið fram við at menna miðbýin.

Inn gjøgnum bakdyrnar

Nina Arge undrast tó á atkomuna til Klaksvík. Áðrenn Norðoyatunnilin kom, so var tað ein vakur siglingartúrur til Klaksvíkar.

Í dag kemur tú til býin inn gjøgnum bakdyrnar, og tað fyrsta, ið tú sært, er eitt heldur tilvildarligt vinnu- og handilsøki.

Samstundis saknar Nina eina greiðari atkomu, tá ið tú skalt finna miðbýin.

maria_waag.jpg

Vit vitja eisini í nýggja róðrarneystinum hjá Klaksvíkar Róðrarfelag, har ið vit hitta forkvinnuna, Sonju Kjølbro.

Samstundis nema bæði Nina Arge og Sámal Matras Kristiasen við týdningin av teimum bláu økinum, ið eru sjógvur og sjóvarmáli.

Klaksvík, Miðbýur

Eitt nú sigur Sámal, at størsta aktivi í Klaksvík er vágin, og at tað í størri mun eigur at verða bygt fram við vágnið, og tá er talan um íbúðir og ymiskt tænastuvirksemi.

Varpið kann fáa stóran týdning

Í samrøðuni við Karl Johansen, borgarstjóra, verður eitt nú nomið við trivnaðarkanningina, ið Klaksvíkar kommuna hevur gjørt, og hvørjar umstøður, ið kunnu verða betri.

Varpið, Mentanarhúsið Varpið

Vit vitja eisini í nýggja mentanarhúsinum, Varpið, har ið vit hitta forkvinnuna í stýrinum, Jóhonnu Christiansen, og stjóran, Annfinnur Heinesen.

Jóhanna Christiansen, Anfinnur Heinesen

Bæði eru tey á einum máli um, at Varpið kann fáa stóran týdning fyri býin.

Jónleif er gestsins eyga

Gløgt er gestsins eyga er táttur, har ið ein tilflytari skrivar og lesur eina hugleiðing, ið viðkomandi hevur skrivað.

Hesuferð er tað Jónleif Johannesen, ið er ættaður úr Dali og búsitandi í Klaksvík, sum fær høvið at seta nøkur orð á, hvussu hann upplivir Klaksvík.

Jónleif Johannesen

Í kanningini, sum Spyr.fo gjørdi fyri Kulfaktor Føroya, spurdu vit eisini hvussu ofta fólk ferðast til Klaksvíkar. 

8,2 prosent søgdu dagliga ella fleiri ferðir um vikuna. 37,6 prosent søgdu nakrar ferðir um mánaðin. 43,2 prosent søgdu eina ferð um árið ella minni.

9,4 prosent svaraðu at tey búgva í Klaksvík. Og 1,6 prosent søgdu at tey ongantíð ferðaðust til Klaksvíkar.

Tú kanst hoyra Kulfaktor Føroya sendingina úr Klaksvík her:

Tú kanst hoyra samrøðuna við Karl Johansen, borgarstjóra í Klaksvík, í fullari longd her!

Tú kanst hoyra samrøðuna við Sonju Kjølbro, forkvinnu í Klaksvíkar Róðrarfelag, í fullari longd her:

Hvat: Kulfaktor Føroya
Hvar: í útvarpinum
Nær: Týsdagar kl. 17.05