Vaksandi nýtsla av heilivági: Hava eisini ADHD sum vaksin

Vaksandi nýtsla av heilivági: Hava eisini ADHD sum vaksin
Margit Stórá, landsstýriskvinna, hevur svarað fyrispuringi frá Liljuni Weihe, løgtingskvinnu
Nýtslan av ADHD-heilivági fer væntandi at vaksa, tí fleiri verða sett í viðgerð, sigur landsstýriskvinnan í heilsumálum. (Savnsmynd)
 
28.04.2023 - 08:32

Nógv vaksin hava seinastu árini fingið staðfest, at tey hava ADHD.

Meginparturin fær ADHD-heilivág.

Tað er høvuðsorsøkin til, at nýtslan av ADHD-heilivági er økt so nógv seinastu árini.

Tað sigur Margit Stórá, landsstýriskvinna, í svarinum til Liljuna Weihe, løgtingskvinnu, sum spurdi um ADHD-heilivágin Ritalin. 

 

Margit Stórá, landsstýriskvinna í heilsumálum. 

 

Hava eisini ADHD sum vaksin

Orsøkin til, at fleiri vera ávíst til útgreininger nú, er sambært Psykiatriska deplinum, at fyrr var ADHD bara hildin vera ein trupulleiki hjá børnum.

Men nú sigur fakkunnleikin, at nógv børn, sum hava ADHD, hava framvegis ADHD, tá tey eru vorðin vaksin.

Tey, sum nú eru vaksin og høvdu ADHD sum børn, vóru ikki kannað tá.

Teirra trupulleikar vóru mettir at stava frá øðrum enn ADHD.

 

Liljan Weihe, løgtingskvinna, spurdi um ADHD-heilivágin Ritalin. (Mynd: Bjarni Árting Rubeksen)

 

100 ávísingar

100 vaksin fólk vóru ávíst til útgreiningar í januar og februar í ár.  

Støðugur vøkstur í ávísingunum ger, at vit kunnu vænta, at fleiri vaksin fólk verða sett í viðgerð fyri ADHD.

Tí fer nýtslan av ADHD-heilivági eisini at vaksa, sigur Margit Stórá í svarinum.

Hon sigur, at í Føroyum verður nú í alsamt størri mun brúktur heilivágur, sum ikki er í sama vanda fyri at vera brúktur til at rúsa seg við.

Er kopiera
Nýggjastu sendingar í ÚV
Leygardag 26. apríl
Jambalaja - 260425
191096
Leygardag 26. apríl
Her er flaggdagsrøðan hjá Ben Arabo
191094
Leygardag 26. apríl
Upp á tá - 250425
191091
Leygardag 26. apríl
Vikan 26. apríl 2025
191088
Leygardag 26. apríl
Morgunlestur leygardagur 26.apríl 2025
190972
Nýggjastu sendingar í SV
Fríggjadag 25. apríl
KAKUMiKS (4:7)
191050
Hósdag 24. apríl
Útilív 6:6
191066
Týsdag 22. apríl
Veðrið
190965
Týsdag 22. apríl
3-2 (14. apríl 2025)
190949
Týsdag 22. apríl
3-2 (7. apríl 2025)
190948