Maður Sturgeon handtikin

Maður fyrrverandi skotska forsætisráðharran, Nicolu Sturgeon, Peter Murrell, er handtikin í sambandi við fíggjarviðurskifti hjá skotska tjóðskaparflokkinum SNP. 

Tað skrivar BBC.

Murrell var handtikin í morgun og fluttur á eina løgreglustøð. 

58 ára gamli Murrell fór fyri stuttum úr starvi sínum í umsitingini í flokkinum.

Húsarannsóknir

Løgreglan í Skotlandi sigur, at hon hevur gjørt húsarannsóknir í fleiri bústøðum í sambandi við málið.

Skotska STV hevur áður borið tíðindi um, at løgreglan kannar eitt mál í sambandi við, at 600.000 pund, sum skotska loysingarrørslan hevði savnað saman, eru horvin. Tað svarar til góðar 5 milliónir krónur.

Nicola Sturgeon legði frá sær í februar eftir átta ár sum forkvinna fyri SNP.