Meiriluti er ikki í samgonguni fyri einum søluliði í elveitingarlógini

Meiriluti er ikki í samgonguni fyri einum søluliði í elveitingarlógini
Liljan Weihe og Erling Eidesgaard úr Tjóðveldi taka ikki undir við einum søluliði í elveitingarlógini, og tí er ikki meiriluti fyri hesum í samgonguni
Liljan Weihe og Erling Eidesgaard úr Tjóðveldi taka ikki undir við einum søluliði í elveitingarlógini
Mynd: Bjarni Árting Rubeksen  
 
16.12.2024 - 15:40

Meirluti er ikki í samgonguni fyri at fáa eitt sølulið inn í elveitingarlógina.

Liljan Weihe og Erling Eidesgaard, Tjóðveldistingfólk, taka heldur ikki undir við tí. 

Hvørgin teirra heldur, at tað er eitt gott hugskot. 

 

Eingin avtala

Á sama hátt sum Henrik Old, tingmaður fyri Javnaðarflokkin, so eru tey heldur ikki av tí fatan, at ein avtala er gjørd um, at eitt sølulið skal inn í elveitingarlógina, í samgonguni.

"Nei, tað stendur ikki í samgonguskjalinum, og eg havi ikki gjørt nakra avtalu um hetta," sigur Erling Eidesgaard.

"Vit høvdu bara eina avtalu um, at vit skuldu hyggja at hesum málinum aftur, men eg meti enn ikki, at vit skulu víðari við hesum," sigur Liljan Weihe.

 

Eitt sølulið skal skumpa undir grøna orkuskiftið

Men sambært Margit Stórá, landsstýriskvinnu í orkumálum, so er avtala gjørd um, at eitt sølulið skal inn í elveitingarlógini so ella so.

Tað snýr seg millum annað um at skumpa til grøna orkuskiftið. 

Men sambært Erlingi Eidesgaard er tað ikki eitt sølulið, sum skal til fyri at skumpa undir grønu gongdina hjá SEV. 

"Grøna orkuskiftið skal ikki gerast í skundi, og slett ikki á hendan hátt," sigur Erling Eidesgaard, tingmaður fyri Tjóðveldi. 

 

Elveitingarlogin_og_solulid_Liljan_og_Erling

 

Er kopiera
Nýggjastu sendingar í ÚV
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208