Kollafjørður fekk bæði umboðini vald inn

bannari
Kollafjørður fekk bæði umboðini vald inn
Anja Weyhe og Bergur Jensen, bæði umboðandi Kollafjørð, blivu vald í kommunustýrið í Tórshavnar kommunu.
Bergur Dam Jensen í kolli, í samráðingum í høllini á Hálsi
Mynd: Bjarni Árting Rubeksen  
 
12.11.2024 - 23:59

Við ávikavist 367 og 366 atkvøðum, komu tey bæði Anja Weyhe og Bergur Dam Jensen inn í kommunustýrið hjá Tórshavnar kommunu. 

Tey hava bæði í valstríðnum lagt stóran dent á, at tey vilja umboða Kollafjørð í kommunustýrinum. 

Talan er um tvey fólk, ið hava verið sera aktiv í frítíðarvirksemi í Kollafirði. 

Hóast Anja Weyhe býr í Hoyvík, er hon uppvaksin í Kollafirði og hevur seinastu árini verið forkvinna í hondbóltsfelagnum KÍF. 

Bergur Dam Jensen er eisini uppvaksin og býr í Kollafirði. Eisini Bergur er aktivur í frítíðarvirksemi í Kollafirði, sum formaður í kappróðrarfelagnum KÍF. 

Anja Weyhe (E) og Bergur Dam Jensen (C) gjørdust ávíkavist nummar nýggju og 10, við bert einari atkvøðu á muni. 

Er kopiera
Nýggjastu sendingar í ÚV
Nýggjastu sendingar í SV
Mánadag 28. apríl
Suðuroyartunnilin og skuggatølini
191130
Sunnudag 27. apríl
Møti í Berøa í Saltangará.
191117
Sunnudag 27. apríl
Andakt
191114
Leygardag 26. apríl
Sement-finalan 2025
191109