Uppstilling: Full javnstøða í fimm kommunum

Tilsamans 337 menn og 219 kvinnur stilla upp á kommunuvalinum 12. november. Tað gevur eitt býti upp á 61 prosent menn og 39 prosent kvinnur.

Bert ein av kommununum hevur fleiri kvinnur enn menn uppstillaðar. Tað er Hovs kommuna, har fimm kvinnur og tríggir menn bjóða seg fram.

Í fimm av kommununum er full javnstøða millum valevninini - og her verður ikki hugsað um listarnar hvør sær, men um listarnar tilsamans. Talan er um Vága, Sunda, Skopunar, Skálavíkar og Porkeris kommunur.

Í hinum endanum finna vit Vestmanna kommunu, har kvinnurnar lutfalsliga eru ringast umboðaðar. Av teimum 11, sum halda seg til í Vestmanna, eru bert tvær kvinnur, sum svarar til 18 prosent av valevnunum. Í Fugloyar og Skúvoyar kommunu eru bert 20 prosent av valevnunum kvinnur, men her eru tølini sera smá - fýra menn og ein kvinna stilla upp í teimum báðum smæstu kommununum.

Kynsbýtið í uppstillingini fyri hvørja kommunu sær:

Vestmanna kommuna: 9 menn 2 kvinnur - 82/18 í prosentum

Fugloyar kommuna: 4 menn 1 kvinna - 80/20

Skúvoyar kommuna: 4 menn 1 kvinna - 80/20

Fámjins kommuna: 7 menn 2 kvinnur - 78/22

Hvalbiar kommuna: 16 menn 5 kvinnur - 76/24

Kunoyar kommuna: 6 menn 2 kvinnur - 75/25

Runavíkar kommuna: 20 menn 8 kvinnur - 71/29

Hvannasunds kommuna: 10 menn 5 kvinnur - 67/33

Sands kommuna: 12 menn 6 kvinnur - 67/33

Eiðis kommuna: 13 menn 7 kvinnur - 65/35

Sørvágs kommuna: 11 menn 6 kvinnur - 65/35

Vágs kommuna: 15 menn 8 kvinnur - 65/35

Húsavíkar kommuna: 5 menn 3 kvinnur - 63/37

Viðareiðis kommuna: 5 menn 3 kvinnur - 63/37

Nes kommuna: 10 menn 6 kvinnur - 63/37

Tvøroyrar kommuna: 13 menn 8 kvinnur - 62/38

Eysturkommuna: 13 menn 8 kvinnur - 62/38

Fuglafjarðar kommuna: 16 menn 10 kvinnur - 62/38

Klaksvíkar kommuna: 24 menn 17 kvinnur - 59/41

Sumbiar kommuna: 4 menn 3 kvinnur - 57/43

Tórshavnar kommuna: 57 menn 45 kvinnur - 56/44

Sjóvar kommuna: 10 menn 9 kvinnur - 53/47

Kvívíkar kommuna: 10 menn 9 kvinnur - 53/47

Porkeris kommuna: 4 menn 4 kvinnur - 50/50

Skálavíkar kommuna: 6 menn 6 kvinnur - 50/50

Skopunar kommuna: 7 menn 7 kvinnur - 50/50

Sunda kommuna: 10 menn 10 kvinnur - 50/50

Vága kommuna: 13 menn 13 kvinnur - 50/50

Hovs kommuna: 3 menn 5 kvinnur - 37/63