- Tíðindi, mentan og ítróttur
Kanna møguleikarnar at varðveita stuðul til tannviðgerð uttanlands
Kanna møguleikarnar at varðveita stuðul til tannviðgerð uttanlands
Sirið Stenberg, landsstýriskvinna, hevur svarað Johan Dahl, løgtingsmanni
Landsstýriskvinnan svarar, at lógarbroyting má gerast, um ung fólk kunnu varðveita stuðulin til tannviðgerð, um tey fara uttanlands. (Savnsmynd)
30.10.2024 - 10:06
Kannað verður, um til ber til at gera undantøk í heilt serligum førum, og hvørjar avleiðingarnar av tí vera.
Tað sigur Sirið Stenberg, landsstýriskvinna, um møguleikan hjá fólki, sum fara av landinum, at varðveita stuðulin, sum ung fólk fáa til tannviðgerðir.
Sum nú er, er stuðulin bara galdandi, meðan fólk búgva og eru í Føroyum.
Men Johan Dahl, løgtingsmaður, spurdi, um skipanin verður broytt, so hon eisini umfatar fólk, sum flyta av landinum í útbúgvingarørindum.
Landsstýriskvinnan svarar, at so má lógarbroyting gerast.
Og hon er sinnað at kanna, um hon skal gerast.
Nøkur undantøk eru, men tey eru ikki fyri fólk, sum fara av landinum at útbúgva seg.
Er kopiera
Nýggjastu sendingar í ÚV
