Landsverk bestemmar í Sandoyartunlinum: Listin skal burtur

Landsverk bestemmar í Sandoyartunlinum: Listin skal burtur
Landsferðslunevndin hevur staðfest, at Landsverk er landsvegamyndugleiki í Sandoyartunlinum. Harvið er líkt til, at nógv umrødda listin í tunlinum skal takast niður
Nú verður listin hjá Edward Fuglø í Sandoyartunlinum tikin niður
Mynd: Bjarni Á. Rubeksen  
 
17.04.2024 - 18:05

Nú er líkt til, at nógv umrødda listin hjá Edwardi Fuglø í Sandoyartunlinum verður tikin niður. 

Landsferðslunevndin hevur nevniliga staðfest, at Landsverk er landsvegamyndugleiki í Sandoyartunlinum. 

Limir í Landsferðslunevndini eru Landsverk og løgreglan, sum eru myndugleikar, og Akstovan og Ráðið fyri ferðslutrygd, sum eru ráðgevandi limir.

 

Ikki á einum máli

Nevndin var tó ikki á einum máli um, hvørja ávirkan umrødda listin hevur á ferðsluna í tunlinum.

"Trupulleikin, sum Landsverk sær hann, er ikki sjálv listin, men staðsetingin av listini," sigur Dan Sofus Hofgaard, deildarleiðari hjá Landsverki. 

Næsta stigið er at spyrja Samferðslumálaráðið, har Dennis Holm er landsstýrismaður, um ráðið tekur undir við avgerðini hjá Landsferðslunevndini.

Tekur Samferðslumálaráðið undir við avgerðini hjá Landsferðslunevndini, so er listin í Sandoyartunlinum ein saga blot. 

 

Ósemja um myndugleikan

Tað var dagin eftir, at Sandoyartunnilin læt upp 22. desember í fjør, at Sigurd Leifsson Lamhauge, táverandi stjóri í Landsverki, álegði tunnilsfelagnum at taka listaverkini hjá Edwardi Fuglø í Sandoyartunlinum niður. Landsverkstjórin segði, at listarverkini vóru til ampa fyri ferðslutrygdina. 

Teitur Samuelsen, stjóri í tunnilsfelagnum, skúgvaði boðini til viks og segði, at Landsverk ikki var myndugleiki í undirsjóvartunlum.

"Tað er nú staðfest, at tað er Landsverk," sigur Dan Sofus Hofgaard, deildarleiðari hjá Landsverki
 

Er kopiera
Nýggjastu sendingar í ÚV
Leygardag 5. apríl
Morgunlestur leygardagur 5.apríl 2025
189980
Fríggjadag 4. apríl
Vikuskiftið 4 apríl 2025
190276
Fríggjadag 4. apríl
Breddin: Suðuroyartunnilin
190254
Fríggjadag 4. apríl
Morgunlestur fríggjadagur 4.apríl 2025
189979
Hósdag 3. apríl
RagnarRokk 3.apríl 2025
189927
Nýggjastu sendingar í SV
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208
Hósdag 3. apríl
Dagur og vika - teknmálstulkað
190180