- Tíðindi, mentan og ítróttur
Trý børn fingið løstir í skottilburði í einum skúla í Finnlandi
Trý børn fingið løstir í skottilburði í einum skúla í Finnlandi
Ein 12 ára gamal næmingur, sum hildið verður er gerningsmaðurin, er handtikin nærindis skúlanum í finska býnum Vantaa, sigur finska løgreglan
Mynd: Yle
02.04.2024 - 09:15
Tíðliga í morgun fóru vælbrynjað løgreglulið inn í ein skúla í býnum Vantaa, eftir at fráboðan kom um ein skottilburð í morgun.
Finska løgreglan sigur, at trý børn hava fingið løstir, og eitt barn er handtikið.
Bæði tey, ið hava fingið løstir, og gerningsmaðurin eru 12 ára gomul, upplýsir finska løgreglan sambært DR.dk.
Skottilburðurin hendi um klokkan níggju í morgun finska tíð.
Nú verður kannað, um aðrir persónar hava nakran lut í skottilburðinum.
Vantaa, ið er fjórðstørsti býurin í Finnlandi, liggur 20 kilometrar frá høvuðsstaðnum Helsinki.
800 næmingar ganga í fólkaskúlanum, har 90 fólk starvast.
Er kopiera
Nýggjastu sendingar í ÚV
