- Tíðindi, mentan og ítróttur
Tvey føroysk nøvn á stóran hollendskan festival
Tvey føroysk nøvn á stóran hollendskan festival
Kóboykex og Brimheim skulu í januar framføra á stóra festivalinum Eurosonic Noordserslag í hollendska býnum Groningen
Eurosonic verður hildin at vera størsti ídnaðarligi tónleikafestivalurin í Evropa, og í ár eru tvey føroysk tónleikanvøn við
Mynd: Bart Heemsker
29.11.2022 - 16:30
Føroysk tónleikanøvn sleppa í alsamt størri mun út um landoddarnar at vísa sína tónlist fram á festivalum fyri tónleikaídnaðarfestivalum kring Evropa.
Hetta boðar tónleikaútflutningsstovan, Faroese Music Export (FMX), frá í tíðindaskrivi.
Nú er greitt, at í januar skulu Kóboykex og Brimheim spæla á Eurosonic Noorderslag (ESNS) í Hollandi.
Eurosonic Noorderslag, ella Eurosonic, er kanska størsti festivalur fyri tónleikaídnaðin í Evropa, og hevur verið hildin í býnum Groningen hvørt ár síðan 1996.
Umframt eina rúgvu av konsertum, sum vera í stórum og miðalstórum spælistøðum ymsastaðni í miðbýnum í Groningen í fýra dagar, so eru festivalurin eisini ein ráðstevna við 150 kunnigum pallborðum, aktuellum orkaskiftum og røðarum.
Eitt nú eru 400 tónleikafestivalar umboðaðir á Eurosonic.
Mong halda Eurosonic vera tann týdningarmesta festvalin fyri tónleikaídnaðin í Evropa.
Gjørnum árini hava kend nøvn sum Aurora, Sam Smith, Wet Leg, Bastille, James Blake, girl in red og fleiri onnur brúkt Eurosonic sum eina lopfjøl.
"Hetta er enn eitt prógv um, at dygdin á føroyska tónleikapallinum er góð, og at tað verður lagt merki til okkum," sigur Glenn Larsen, leiðari í FMX (Faroe Music Export).
"Samanlagt vit havt sjey føroyskar bólkar og einstaklingar á Eurosonic Noorderslag øll tey 26 árini, festivalurin hevur verið. Nú hava vit tvey nøvn við eitt og sama ár."
Fyri Kóboykex, sum er annað føroyska navnið, ið skal luttaka á Eurosonic, er talan um ein gyltan møguleika.
"Eurosonic er størsti ídnaðarligi tónleikafestivalurin í Evropa. Hetta er higartil størsti møguleiki, sum okkara bólkur hevur fingið.
Er kopiera
Nýggjastu sendingar í ÚV
