Føroysk tónlistanøvn gjørdu vart við seg á Iceland Airwaves

"Tey fimm føroysku tónlistanøvnini hava sett eitt greitt fótafar eftir sær á ársins Iceland Airwaves, bæði hvør sær og sum ein føroysk eind." 

Soleiðis skrivar Faroese Music Export, FMX, í tíðindaskrivi eftir ársins Icelands Airwaves-tónleikafestivalu yvir vikuskiftið. 

Brimheim, Helena Heinesen Rebensdorff, Iceland Airwaves

Marius DC, Guðrið Hansdóttir, Brimheim, Janus Rasmussen og Koboykex vóru tey fimm føroysku umboðini á Iceland Airwaves, sum eisini er met fyri føroyska luttøku á kenda íslendska bransjufestivalinum. 

Guðrið Hansdóttir, Iceland Airwaves

Føroysku nøvnini spældu eina felagskonsert fríggjavkvøldið á Iðnó, umframt at tey spældu eina konsert hvør í almennu skránni hjá Iceland Airways annaðhvørt hósdagin ella leygardagin. 

Kóboykex, Iceland Airwaves

Høvdu ikki væntað so nógv fólk

Eitt nú spældi Kóboykex fyri fullum sali bæði fríggjakvøldið í Iðnó og í Gaukurinn leygarkvøldið. 

"Tað var fantastiskt. Vit í Kóboykex væntaðu ikki, at tað kundi ganga so mikið væl. Longu áðrenn konsertirnar hevði BrooklynVegan og Paste Magazine skrivað um bólkin. Tveir risamiðlar í tónleikaídnaðinum. Onkur nevndi eisini at Clash Magazine, Dork Magazine, Rolling Stone, og NME vóru til konsertina," siga Sigmund Zachariasen og Heiðrikur á Heygum væl nøgdir. 

Marius DC, Iceland Airwaves

"Tiny baby rapper" hugtók

Marius DC stóð seg serliga væl undir Iceland Airwaves og fekk fleiri jalig ummæli, eitt nú frá Reykjavik Grapevine. 

"And let me tell you, Mr Motherfucking Marius DC did not disappoint. Bounding all over the stage with unbelievable energy (he is, of course, only 18. He still has energy), Marius ended his first song by bellowing, “WHAT THE FUCK IS UP, REYKJAVíííííK?” Holy shit, I don’t think I’ve had so much fun at a gig in a long time. Don’t get me wrong, Marius is a tiny baby rapper, full of youthful cringe and naivety. But regardless of his juvenility or anything else, he is undeniably an incredible entertainer and performer, the like of which I rarely come across." (Reykjavik Grapevine)

Marius DC, Iceland Airwaves

18 ára gamli Mariuc Dam Christophersen var sjálvur sera væl nøgdur við luttøkuna á Iceland Airways. 

"Fríggjakvøldið í Iðnó var tann besta konsertin hjá mær nakrantíð. Iceland Airwaves hevur verið ómetaliga spennandi fyri meg og bólkin. Tvær fantastiskar konsertir, og so hava vit fingið hópin av nýggjum sambondum."

Janus Rasmussen, Iceland Airwaves

Jaligar ringvirkningar

Glenn Larsen, leiðari í FMX, er sannførdur um, at luttøkan í Iceland Airwaves fer at hava jaligar ringvirkningar fyri føroyskan tónleik. 

"Øll fimm tónlistanøvnini stóðu seg væl, og áhugin, vit fingu frá altjóða umboðsfólkunum, tíðindafólkum og almenninginum var betri enn vit høvdu tora at vónað."

Umframt konsertirnar hjá føroysku nøvnunum, so luttóku umboð í pallborðsfundum í høvuðsrúminum í Hørpuni fríggjamorgun, umframt at FMX og Marius DC eisini vóru við í podcastinum hjá Iceland Airways leygardagin. 

FMX, Iceland Airwaves

Harumframt hevði FMX eisini eina móttøku saman við G! fríggjadagin, har nógv bransju- og tíðindafólk vóru á gátt.