Líka nógvur fiskur útfluttur í ár sum í fjør

Føroyar útfluttu fisk fyri slakar fýra milliardir krónur, 3,9 milliardir, fyrra hálvárið. Og tað er tað sama sum í fjør, sigur Hagstovan.

Alt í alt var útflutningurin 4,1 milliard, sum eru 140 milliónir krónur minni enn fyrra hálvár í fjør, tí færri skip eru seld av landinum í ár.

Nógv minni makrelur er við í tølunum fyri 2021 enn í 2020.

10.000 tons og 100 mió. kr. í ár. Í fjør vóru tonsini 36.000 og milliónirnar 420. 

Men svartkjaftur, sild og laksur gera, at útflutningstølini samanumtikið ikki eru minni í ár.

Botnfiskurin er minkaður í ár, toskur og upsi bæði í tonsum og í krónum.

Men meira hýsa er útflutt. Prísurin er lægri enn í fjør. Tí tað sama fekst fyri hýsuna fyrra hálvár í ár sum í fjør.