Vága Floghavn tríggjar ferðir á reyðalista

bannari
Vága Floghavn tríggjar ferðir á reyðalista
COVID-19 smittuvandin hevur verið serliga stórur í Vága Floghavn í seinastuni, siga loftferðslumyndugleikarnir í Evropa
Floghavnin í Vágum hevur staðið á reyðalista hjá evropeisku loftferðslumyndugleikunum tríggjar ferðir í seinastuni, tí stórur vandi var fyri, at verða smittaður við COVID-19
Mynd: Savnsmynd: Bjarni Árting Rubeksen  
 
17.05.2020 - 12:41

Loftferðslumyndugleikarnir í Evropa hava síðani fyrst í mars skrásett floghavnir, har serliga stórur vanda hevur verið fyri at verða smittaður við COVID-19.

Listin varð fyrstu ferð útgivin 13. mars. Tá vóru ongar floghavnir í Evropa á yvirlitinum hjá loftferðslumyndugleikunum, men tríggjar dagar seinni vóru 11 floghavnir í Evropa komnar á listan.

Listin dagførdur 12 ferðirnar

Allar 11 floghavnirnar á reyðalistanum hjá EASA vóru støð, har serliga stórur vandi var fyri at verða smittaður. Hetta vóru floghavnir í Norðuritalia, Fraklandi, Eysturríki, Týsklandi og Spania.

Vága Floghavn hevur í trimum umførum staðið á reyðalista hjá evropeisku loftferðslumyndugleikunum síðstu tveir mánaðirnar, síðani byrjað varð at skráseta og útgeva listan.

Loftferðslumyndugleikarnir í Evropa hava hava hetta tíðarskeiðið útgivið reyðalistan tilsamans tólv ferðirnar, skrivar danska heimasíðan, check-in.dk

Ikki vist, hvør orsøkin er

Vága Floghavn kom fyrstu ferð á reyðalistan hjá EASA 30. mars, og stóð á reyðalistanum til 18. apríl, tá floghavnin varð tikin av listanum yvir floghavnir, har smittuvandin í Evropa var serliga stórur.

Regin Jakobsen, stjóri í Vága Floghavn, sigur við útvarpið, at hann kennir ikki ítøkiligu orsøkina, men hann heldur, at orsøkin kann vera, at smittutalið í Føroyum var so stórt eitt tíðarskeið.

Regluliga ferðafólkaflúgvingin til og úr Føroyum um Vága Floghavn steðgaði 17. mars. Eftir tað flugu fimm flogfør seinastu føroyingarnar heim áðrenn flúgvingin so at siga steðgaði.

Er kopiera
Nýggjastu sendingar í ÚV
Sunnudag 16. februar
Kallið: Vit mugu kenna ábyrgd.
187771
Leygardag 15. februar
Upp á tá - 140225
187806
Leygardag 15. februar
Morgunlestur leygardagur 15.februar 2025
186668
Fríggjadag 14. februar
Vikuskiftið 14 februar
187800
Nýggjastu sendingar í SV
Fríggjadag 14. februar
Dagur og vika - teknmálstulkað
187762
Fríggjadag 14. februar
Veðrið
187798
Mikudag 12. februar
Merkja grind
187663
Týsdag 11. februar
Veðrið
187639
Týsdag 11. februar
Dagur og vika við 3-2 - teknmálstulkað
187616