Grundraksturin í Betri banka versnaður

Grundraksturin í Betri banka versnaður
Nógvur peningur er læntur út, men peningur, sum er settur av móti tapi, er inntøkuførdur aftur, sigur Fíggjareftirlitið
 
13.01.2020 - 08:30

Metlága rentan ger, at grundraksturin hjá Betri banka er versnaður.

Tað er niðurstøðan hjá Fíggjareftirlitinum, sum í august í fjør var á eftirlitsvitjan í Betri banka.

Fíggjareftirlitið sigur, at Betri banki í 2018 og í fyrra hálvári í fjør lænti nógvar pengar út, sum tó ikki sæst aftur í betri grundinntøkum hjá bankanum.

Men tey seinastu árini hevur bankin inntøkuført pengar aftur, sum annars vóru settir av móti tapi.

Og jaligar kursstillingar hava eisini givið Betri banka inntøkur.

Men hesar inntøkur kunnu ikki væntast at halda fram, sigur Fíggjareftirlitið.

Skal gera frágreiðing

Tað hevur tí biðið bankan um at gera eina frágreiðing um, hvussu hann ætlar at menna inntøkurnar, so hann hevur nóg nógvar pengar at lofta einum hóttafalli í føroyskum búskapi.

Fíggjareftirlitið kannaði 42 lán hjá Betri banka. Talan var um 283 mió. kr.

Fíggjareftirlitið helt ikki, at bankin í fyrsta umfari metti váðan rætt, og gav honum boð um at gera rættar metingar.

Váðin hjá nýggjum viðskiftafólkum var størri enn bankin fyrst metti, tá hann læt lánini. 

Betri banki sigur, at Fíggjareftirlitið er samt við bankans egnu váðameting.

Fleiri pengar skulu ikki setast av móti møguligum kredittváða.

Fíggjareftirlitið gav eisini Betri banka boð um at seta fleiri pengar av, so kapitalurin verður styrktur.

Er kopiera
Nýggjastu sendingar í ÚV
Hósdag 20. februar
RagnarRokk:Anna "Ace" Brunner um Galvanize
186596
Hósdag 20. februar
Leitisstein 18.02.2025
188081
Hósdag 20. februar
Andarblak 20. februar 2025
188079
Hósdag 20. februar
Breddin: Friðarsamráðingar um Ukraina
188053
Nýggjastu sendingar í SV
Mikudag 19. februar
Dagur og vika - teknmálstulkað
187990
Týsdag 18. februar
Veðrið
187962
Sunnudag 16. februar
VÍF - Kyndil, menn
187840
Sunnudag 16. februar
Guðstænasta úr Havnar kirkju
187829
Leygardag 15. februar
2. hálvfinala hjá monnum: H71 - KÍF
187825