Miðlar: Uppskotið til avtalu kunngjørt í morgun

Fleiri miðlar skrivaðu í gjár, at uppskotið til Brexit-avtalu verður kunngjørt í morgun. Sambært AFP-tíðindastovuni hava samráðingar millum ES og Bretland verið í alla nátt um eina nýggja Brexit-avtalu.

Bretski forsætisráðharrin, Boris Johnson, fer væntandi at kunna stjórnina um gongdina í samráðingunum í nátt.

Samráðingarnar halda fram í morgun, skrivar BBC. Í London siga keldur á stjórnarskrivstovuni hjá Borisi Johnson, at nakað er eftir á mál.

ES-kommisserar kunnast seinni í dag

Samráðingarumboðið fyri ES, Michael Barnier, hevur sagt, at uppskot um avtalu skal liggja á borðinum í morgun, um ES-londini skulu hava møguleika fyri at meta um uppskotið undan toppfundinum, sum byrjar í morgin. 

Barnier fer seinni í dag at kunna ES-kommisserar og sendiharrar um støðuna í samráðingunum.

Draga samráðingarnar út og eingin avtala liggur á borðinum, siga embætisfólk, at samráðingarnar verður uppafturtiknar í næstu viku, og at kallað verður inn til nýggja toppfund. 31. oktober skal Bretland eftir ætlan fara úr ES.