Týdningarmikið at seta ljós á hetta nú

bannari
Týdningarmikið at seta ljós á hetta nú
Spurningurin, um alivinnan ávirkar botnfiskastovnar og annað djóralív á føroysku firðunum, er alt ov lítið kannaður, viðgongur Høgni Hoydal
 
18.11.2018 - 10:18

- Síðan eg bleiv fiskimálaráðharri, er tað ikki nakað, sum eg havi brúkt orku uppá, men sjálvandi hevur tað týdning, bæði fyri umhvørvið, trivnaðin hjá fólki her á landi, hjá alivinnuni sjálvari og hjá fiskivinnuni sum heild, at vit ganga undan við at hava tær bestu kanningarnar og metingarnar av, hvussu tann samlaða vistfrøðiskipsnin er, sigur Høgni Hoydal, landsstýrismaður í fiskivinnumálum.  

Spurningurin, um alivinnan ávirkar botnfiskastovnar og annað djóralív á føroysku firðunum, er alt ov lítið kannaður. Tað viðgongur Høgni Hoydal, landsstýrismaður í fiskivinnumálum, sum sigur tað vera týðdningarmikið, at ljós verður sett á hetta nú.

Fara at seta seg saman

Politiskt hevur dentur verið lagdur á at kanna botnfiskastovnarnar á fiskileiðunum kring Føroyar.

Men landsstýrismaðurin fer nú at arbeiða fyri, at firðir og vistskipanir nær landi verða betur kannað, enn tey eru í dag.
- Eg haldi, at eingin ivi er um, at landsstýrisfólkini og stovnarnir sum varða av hesum hava hug til at seta seg saman nú og finna útav, hvussu vit fáa skjalfestingar, granskingar og dokumentatiónspartin uppraðfestan. Og eg hugsi ikki, at tað er nakar, sum fer at mótmæla tí, sigur Høgni Hoydal. 

Er kopiera
Nýggjastu sendingar í ÚV
Mánadag 27. januar
Góðan morgun Føroyar
186905
Mánadag 27. januar
Vetrarjazz 2025
186712
Mánadag 27. januar
Morgunlestur mánadagur 27.januar 2025
186649
Sunnudag 26. januar
Dansival
186889
Sunnudag 26. januar
Møti: Møti úr Vitinum í Hvalba
186890
Nýggjastu sendingar í SV
Mánadag 27. januar
3-2
186892
Sunnudag 26. januar
Guðstænasta á Viðareiði
186881
Fríggjadag 24. januar
Veðrið
186817
Hósdag 23. januar
Heim, kæra heim (1:3)
186749