Ferðafólkavøksturin heldur fram

Í mai flugu 25.000 ferðandi á rutunetinum hjá Atlantic Airways. Tað er seks prosent fleiri sammett við mai í fjør.

Harvið hevur Atlantic Airways flogið til samans sløk 99.000 ferðafólk fyrstu mánaðirnar í ár, átta prosent fleiri enn sama tíðarskeið í fjør.

Nógvar seinkingar í mai

Men óvanliga nógv av ferðafólkunum í mai hava verið noydd at bíða eftir fráferðini. Avbjóðingar hava verið við flogferðsluni av tekniskum áðum.

18 prosent av øllum fráferðunum hava ikki verið rættstundis. Tað vil siga eru seinkað meir enn 15 minuttir.

Tað er fýra prosentstig meira enn tað vanliga higartil í ár, sum íalt hevur verið fýra prosentstig betri enn sama tíðarskeið í fjør.