Kunnu lesa til pedagog á Fjarlestrardeplinum

Nú fer at bera til at lesa til pedagog á Fjarlestrardeplinum í Vági.

Depilin hevur fingið samstarv í lag við UCC-Nord í Danmark, og neyðugt verður ikki at fara av landinum fleiri ferðir um árið í sambandi við lesturin.

Útbúgvingin verður skipað sum fjarlestur og og undirvísing á Fjarlestrardeplinum í Vági. Fjarundirvísing verður fimm vikuskifti hvørja lestrarhálvu, umframt fjarundirvísing ein dag um vikuna. Eisini verður undirvísing í Vági, har undirvísarar á UCC-Nord koma á Fjarlestrardepilin. 

Eisini merit-útbúgving

Umframt vanligu pedagogútbúgvingina, er eisini fingið samstarv í lag við UCC-Nord um merit-útbúgving. Tað merkir, at fólk við drúgvum royndum á barnagarðsøkinum kunnu taka pedagogútbúgving sum merit-útbúgving.

Dennis Holm, borgarstjóri í Vági, fegnast um, at tað nú ber til at taka eina útbúgving aftrat í Suðuroynni.

- Hetta hevur stóran týdning fyri trivnaðin og møguleikarnar hjá fólki at støðast í oynni, sigur Dennis Holm. Hann vísir á, at útbúgvingin er ikki bert fyri suðuroyingar, men fyri fólk í øllum landinum.

Meiri fæst at vita um útbúgving á www.fjarlestur