Vinnumálaráðið vísir aftur ákærum um lygn

Vinnumálaráðið vísir aftur ákærum um lygn
Vinnumálaráðið vísir aftur, at tað hevur endurgivið niðurstøðuna í Landsstýrismálanevndini skeivt.
 
26.10.2014 - 12:01

Hevur Johan Dahl, landsstýrismaður í vinnumálum, brotið Stýriskipanarlógina ella ei?

Siri Stenberg siga ja.

Vinnumálaráðið og Johan Dahl siga nei.

Vinnumálaráðið reinsar Johan Dahl

Í niðurstøðuni, sum landsstýrismálanevndin hevur skrivað, stendur:

-Sostatt kann staðfestast ein meirnýtsla upp á knappar 4,4 mió. kr. Tað er tískil greitt, at SSL ikki hevur hildið seg innan givnu játtanina fyri 2013, og er hetta brot á Stýrisskipanarlógina.

Men ógreitt tykist vera, hvør hevur brotið hana.

Vinnumálaráðið sendi beinanvegin skriv út, har tað staðfesti, at:

 - Johan Dahl, landsstýrismaður í vinnumálum, hevur hvørki brotið stýrisskipanarlógin ella á lóg um ábyrgd landsstýrismanna í sambandi við málið um Strandfaraskip Landsins. Tað staðfestir meirilutin í Landsstýrismálanevndini.

Vinnurmálaráðið endurgevur skeivt

Hetta fekk Siri Stenberg - tann einasta av teimum trimum í nevndini, ið heldur, at landsstýrismaðurin eisini hevur brotið lógina um ábyrgd landsstýrismanna - at undrast á, hví Vinnumálaráðið endurgevur skeivt.

Við útvarpið leygarkvøldið segði hon seg undrast á, hví Vinnumálaráðið sigur eitt, tá ein samd landsstýrismálanevnd sigur nakað annað.

Viðmerkingarnar hjá Siri Stenberg fekk Vinnumálaráðið at senda eitt nýtt skriv út seint leygarkvøldið, har ráðið heldur fast um, at Johan Dahl ikki hevur brotið nakra stýriskipanarlóg.

 - Tað er rætt, at nevndin metir, at Strandferðslan ikki hevur hildið seg til givnu játtanina í 2013, og at tað er brot á stýrisskipanarlógina, men heldur ikki har sigur nevndin, at landsstýrismaðurin hevur brotið stýrisskipanarlógina, skrivar Vinnumálaráðið.

Les niðurstøðuna hjá landsstýrismálanevndini.

Les fyrsta skrivið hjá Vinnumálaráðnum.

Les seinni skrivið hjá Vinnumálaráðnum.

 

 

Er kopiera
Nýggjastu sendingar í ÚV
Fríggjadag 7. februar
Morgunlestur fríggjadagur 7.februar 2025
186655
Hósdag 6. februar
RagnarRokk 6.februar 2025
185815
Hósdag 6. februar
RagnarRokk: Nicke Andersson um Overdriver
185814
Hósdag 6. februar
Ragnarrokk: Nate Garrett um Faded Dream
185812
Nýggjastu sendingar í SV
Mikudag 5. februar
Dagur og vika - teknmálstulkað
187371
Týsdag 4. februar
Veðrið
187342
Sunnudag 2. februar
Ítróttafagnaðurin 2024
187188
Sunnudag 2. februar
Guðstænasta úr Kirkjubøar kirkju
187196
Fríggjadag 31. januar
Veðrið
187155