Ukraina: Russar hava oyðilagt 270.000 tons av korni

Russisk álop á ukrainskar havnir hava oyðilagt stórar nøgdir av korni. Heili 270.000 tons eru oyðiløgd eftir einum mánaði, sigur ukrainski ráðharrin, Oleksandr Kubrakov.

Tað skrivar NTB sambært norska kringvarpinum.

13.000 tons av korni fóru eisini fyri skeytið í einum álopi í nátt á havnina Izmail nærindis Donau-ánni.

Ráðharrin skrivar á Telegram, at Russland loypur á korngoymslur við vilja fyri at steðga kornútflutninginum úr Ukraina.

Russland hevur ikki gjørt viðmerkingar til ákærurnar. 

Kornavtalan millum Russland og Ukraina fór úr gildi í juli og varð ikki endurnýggjað.

Avtalan tryggjaði annars, at Ukraina kundi útflytum korn undir tryggum umstøðum um Svartahavið, uttan russisk álop.