Russland um F-16 flogfør: Sjálvmorðsgáva!

Sjálvmorðsgávur!

Soleiðis verður stuðulin av F16-flogførum nevndur í russiskum miðlum. 

F-16 flogførini, sum Danmark og Niðurlond hava latið Ukraina, hava verið til drúgva umrøðu í russiskum miðlum seinastu dagarnar, skrivar danska kringvarpið.

Í gjárkvøldið var ein hóttan í russiskum ríkissjónvarpi, har fyrrverandi generalurin, Andrej Gurulev, sum er limur í verjunevndini í russiska tinginum, gjørdi greitt, at flogførini eru ein hóttan og skulu oyðileggjast.

- F16 flogførini fara á flog fyrr ella seinni. Vit mugu vera til reiðar og sígga til, at tey ikki koma so langt, og oyðileggja tey har, sum tey eru, segði hann. 

Drepa starvsfólk

Gurulev legði afturat, at Russland eigur at týna øll tey støð, har flogførini verða viðlíkahildin, og starvsfólkini eru eingin forðing. 

- Ukrainarar megna ikki sjálvir at halda flogførini viðlíka. Teknikararnir koma úr øðrum londum. Tá ið Danmark og Niðurlond stuðla við stríðsflogførum, er tað lógligt at drepa teirra flogmekanikarar, sigur hann. 

Tað er ikki bara Andrej Gurulev, ið hevur havt hóttandi útsagnir um stuðulin við F-16 flogførum. 

Konstantin Sivkov, sum javnan verður brúktur í russiskum miðlum sum hernaðarserfrøðingur, skal sambært Danmarks Radio hava sagt í morgun, at Russland fer at raka flogstøðir í útheiminum. 

Eisini vísti hann á, at flogførini, sum Danmark og Niðurlond hava latið, eru gomul og ótíðarhóskandi, samanborið F-16 flogførini, sum Russland hevur.