- Tíðindi, mentan og ítróttur
Fámjinsbergholið komið í helvt
Fámjinsbergholið komið í helvt
Landsverk væntar, at skotið verður ígjøgnum í november í ár
Jarðfrøðiligu viðurskiftini í bergholinum hava verið avbjóðandi, men eftir ætlan verur skotið ígjøgnum í november. (Mynd: Landsverk)
21.07.2023 - 08:26
Famjinsbergholið er komið í helvt.
Landsverk sigur, at 8.juli var komið hálvan veg við at bora bergholið.
Arbeiðið byrjaði fyri einum góðum ári síðani, síðst í juni í fjør.
Men fyrsta skotið var 16.november.
Bergholið verður 1200 metrar. Landsverk væntar, at skotið verður ígjøgnum í november í ár.
Liðugt næsta ár
Alt arbeiðið verður liðugt á heysti 2024.
Jarðfrøðiligu viðurskiftini hava verið avbjóðandi.
Hálvan apríl var stórt omanlop í bergholinum, sum seinkaði arbeiðinum í átta vikur og gjørdi, at arbeiðið verður dýrari enn upprunaliga ætlað.
Høvuðsarbeiðstakari er J&K Petersen við Metrostav AS sum undirveitara.
Høvuðsráðgevi er LBF, Landsbyggifelagið.
Er kopiera
Nýggjastu sendingar í ÚV
Nýggjastu sendingar í SV
