Frítekst tagging:
- Tíðindi, mentan og ítróttur
Fekk ongan tungan nevndarsess - fer nú í farloyvi
Fekk ongan tungan nevndarsess - fer nú í farloyvi
Ingilín D. Strøm verður fastur limur í rættarnevndini og varalimur í fíggjarnevndini
Ingilín D. Strøm er ikki nøgd við nevndarbýtið, og hon fer nú í farloyvi úr løgtinginum.
Mynd: Bjarni Árting Rubeksen
20.02.2025 - 13:02
Javnaðarflokkurin hevur valt limir í løgtingsnevndirnar av nýggjum.
Roknað var við, at Ingilín D. Strøm, fyrrverandi landsstýriskvinna, fór at fáa onkran tungan nevndarsess, men so var ikki.
Síðani Súsanna Bertholdsen fór í landsstýrið, hevur Ingilín D. Strøm verið fastur limur í rættarnevndini.
Og nú telvað var av nýggjum um nevndarsessirnar, varðveitir Ingilín D. Strøm sessin í rættarnevndini, og verður varalimur hjá Bjarna Hammer í fíggjarnevndini.
Uni Holm Johannesen, sum er limur í vinnunevndini, hevur fingið ein nevndarsess aftrat. Hann hevur fingið sessin, sum Kim Durhuus hevur havt í mentanarnevndini. Kim Durhuus er limur í trivnaðarnevndini.
Umskipanin fall ikki í góða jørð hjá Ingilín Didriksen Strøm, sum hevði væntað sær meira:
20022025_Ingilin
Eyðgunn Samuelsen. (Mynd: Bjarni Árting Rubeksen)
Løgtingskvinnan í Javnaðarflokkinum vildi ikki svara fleiri spurningum fyrrapartin.
Eyðgunn Samuelsen er forkvinna í tingbólkinum hjá Javnaðarflokkinum. Hon sigur soleiðis um málið:
20922025_Eydgunn
Ingilín Didriksen Strøm fekk næstflestar atkvøður hjá Javnaðarflokkinum á løgtingsvalinum í 2022. Hon fekk 787 atkvøður.
Er kopiera
Nýggjastu sendingar í ÚV
Fríggjadag 21. februar
Breddin: Rumbul í Javnaðarflokkinum og minni sensurur á sosialum miðlum
188109
Nýggjastu sendingar í SV
