Stórt steypafinaluvikuskifti við Tjarnir

Stórur spenningur er undan steypafinalunum í hondbólti um vikuskiftið.

Ikki færri enn 19 steypavinnarar í øllum aldursbólkum skulu finnast, og fyri fyrstu ferð verða finalurnar spældar í nýggju stórhøllini við Tjarnir. 

Hjá kvinnum er talan um grannauppgerð millum Neistan og Kyndil - ein endurtøka av finaluni í fjør, tá Kyndil vann tryggan sigur. Tær grønu vunnu við samanlagt 15 málum í hálvfinalunum ímóti Stjørnuni, meðan Neistin stríddi seg framvið H71 í tveimum jøvnum dystum. 

Hjá monnum eru steypavinnararnir í fjør aftur í finaluni. Vestmenningar vunnu á Neistanum í fjør, og í ár skulu teir verja steypið ímóti H71, eftir sannar gysarar í hálvfinalunum ímóti Kyndli.

Sambært Hondbóltssambandinum gongst væl at selja atgongumerki, so roknast kann við nógvum áskoðarum í fyrstu royndini við Tjarnir.

Kringvarpið vísir finalurnar hjá kvinnum og monnum beinleiðis í sjónvarpinum. Byrjað verður at senda klokkan 16.40. 

Leiksskráin

Fríggjadagin 21. februar:
Kl. 18.30 G16: Kyndil – Neistin
Kl. 20.00 D16: Neistin – H71 a

Leygardagin 22. februar:
Kl. 09.00 G10B: EB a – Tjaldur a
Kl. 09.40 D10B: H71 b – Neistin c
Kl. 10.20 G12B: EB a – H71 c
Kl. 11.10 D12B: ÍA a – SÍF
Kl. 12.00 G10A: H71 a – VÍF a
Kl. 12.40 D10A: H71 c – Kyndil a
Kl. 13.20 G12A: H71 a – StÍF a
Kl. 14.20 D12A: H71 a – Kyndil a
Kl. 17.00 Kvinnur: Neistin – Kyndil (KvF-sjónvarp kl. 16.40)
Kl. 19.30 Menn: H71 – VÍF (KvF-sjónvarp kl. 19.10)

Sunnudagur 23. februar:
Kl. 13.00 Eydnudeildin
Kl. 14.00 G14B: Søljan – Tjaldur
Kl. 15.00 D14B: Tjaldur – Team Klaksvík
Kl. 16.00 G14A: H71 a – Kyndil a
Kl. 17.00 D14A: H71 a – Kyndil
Kl. 18.00 G18: H71 – Kyndil
Kl. 19.30 D18: H71 – VÍF