Færri vilja lesa námsfrøði

Lítil løn og strævnar arbeiðsumstøðurnar eru orsøkin til, at færri vilja lesa námsfrøði.

Tað sigur Jógvan Philbrow, formaður í Pedagogfelagnum. 

Fleiri lestrarpláss hava ikki hjálpt upp á støðuna.

Jógvan Philbrow, pedagogverkfallið 2021

Jógvan Philbrow er formaður í Pedagogfelagnum. (Savnsmynd: Bjarni Árting Rubeksen)

Jógvan Philbrow heldur, at størri áhugi hevði verið fyri útbúgvingini, um tey eldru, sum longu arbeiða á økinum, høvdu havt betri fíggjarligar umstøður.

Hoyr innslag í útvarpstíðindunum: 

46 umsóknir um námsfrøði

Fróðskaparsetrið fekk 389 umsóknir um lestrarpláss í 2023.

340 teirra eru til tær 13 bachelorútbúgvingarnar, sum vóru bodnar út í ár.

48 hava søkt um masterútbúgving, og ein hevur søkt um hjánám í føroyskum.

99 hava søkt um sjúkrarøktarfrøði.

52 vilja vera lærari, tey vóru 64 í fjør og 75 í 2021. 46 hava søkt um námsfrøði.

Og 58 vilja sleppa at lesa løgfrøði.

Fróðskaparsetur Føroya, Fróðskaparsetrið

Fróðskaparsetrið bjóðar eisini nýggja masterútbúgving í dátuvísindum. Har eru 16 umsóknir.

Fróðskaparsetrið sigur, at allir umsøkjarar fáa svar í seinasta lagi mánadagin 10.juli.

Í fjør søktu 392 um lestrarpláss á Setrinum. 

Samanborið við 2021 minkaði umsóknartalið 13,8 prosent.