Frítekst tagging:
- Tíðindi, mentan og ítróttur
Myndir: Hábærsligi Høgaberg hátíðarhildin
Myndir: Hábærsligi Høgaberg hátíðarhildin
Stórt hátíðarhald verður í Fuglafirði, men Høgaberg vitjaði eisini á Toftum, áðrenn kósin var sett til Fuglafjarðar. Myndir: Bjarni Árting Rubeksen
31.01.2025 - 15:52
Nýggja uppsjóvarskipið hjá Framherja, Høgaberg, verður hátíðarhildið í dag, nú skipið fyrstu ferð er í Føroyum.
Høgaberg, sum er bygdur í Skagen, fór til fiskiskap, tá hann var latin reiðarínum. Hann hevur roynt eftir svartkjafti vestan fyri Hetland í nakrar dagar, og hetta er fyrstu ferð, at nýggja skipið kemur til Føroya. Høgni Hansen er skipari.
Fyrsta havn, ið lagt varð at í Føroyum, var á Toftum, har eigarin og reiðarin, Anfinn Olsen, er ættaður.
Hóast Anfinn Olsen er ættaður av Toftum, so er hann búsitandi í Fuglafirði, har Høgaberg eisini hevur heimstað.
Toftafólk løgdu nógv fyri at fáa stóra skipið at kai í heimbygdini hjá eigaranum og reiðaranum.
Fyrstir umborð á Høgaberg vóru sjálvsagt tollararnir, ið skuldu tryggja sær, at alt var í lagi.
Anfinn Olsen, eigari og reiðari, saman við pápa sínum, Jógvani Ingvard Olsen, á kaiini á Toftum.
Sonur Anfinn Olsen, Jógvan Ingvard, stendur á brúnni. Hann er annar av tveimum skiparum á Høgabergi.
Kendi toftamaðurin og fyrrverandi politikarin Alfred Olsen, pápabeiggi Anfinn Olsen, var eisini komin oman á kaiina á Toftum at heilsa stásiliga Høgabergi vælkomnum.
Høgaberg er 88 metrar langur, 16,5 metrar breiður, og bruttotonsatalið er 4500.
Móttøkan í Fuglafirði byrjar klokkan 16. Høgaberg fer at liggja við bryggjuna undir skrivstovubygninginum hjá Framherja í Fuglafirði. Á skránni verða dópur, sangur, røður, okkurt til matna, og eisini er møguleiki at fara umborð at síggja skipið.
|
|
Er kopiera
