Vísindalig grein um koronufarsóttina í Føroyum

Vísindalig grein um koronufarsóttina í Føroyum
Greinin tekur støði í koronudagbókum, sum føroyingar skrivaðu, tá Føroyar fóru niður í ferð, og alheimsfarsóttin herjaði
Erika Ann Hayfield, lektari, hevur skrivað vísindaliga grein um koronufarsóttina í Føroyum.
 
23.06.2023 - 15:18

Erika Anne Hayfield, lektari í samfelagsvísindum á Søgu- og samfelagsdeildini á Fróðskaparsetrinum, hevur givið út vísindaliga grein við heitinum “Resilience processes during lockdown: a diary study from the Faroe Islands”.

Greinin er givin út í tíðarritinum Scottish Geographical Journal.

 

Koronudagbøkur

Greinin tekur støði í koronadagbókum, sum føroyingar skrivaðu, tá Føroyar fóru niður í ferð og alheimsfarsóttin, COVID-19, herjaði.

Tveir dagar eftir, at Føroyar “lótu aftur” í mars 2020, heitti Erika Anne Hayfield á fólk um at melda seg til at skriva dagbøkur. Hon bað tey greiða frá eygleiðingum, kenslum og upplivingum av at vera undir stongsli ella í “lockdown”.

Vanligt er, at kreppur verða fataðar í baksýni, men við dagbókatilgongdini bar til at fáa áhaldandi skjalfesting av støðuni hjá fólki, meðan farstóttin gekk. Í kanningini eru tilsamans 51 dagbøkur, umframt uppfylgjandi samrøður við ein triðing av luttakarum.

 

 

Oyggjasamanhangur stóran týdning

Høvuðusniðurstøðurnar í greinini eru, at oyggjasamanhangurin hevur stóran týdning fyri tað mótstøðuførið, sum var tilevnað. Hetta serliga í sambandi við staðseting, rúmd, politikk, oyggjamentan, lítilleika og tættar relatiónir. 

Samanumtikið hevði føroyski samanhangurin stóran týdning fyri tilevnan av mótstøðuføri undir koronu. Harumframt broyttust fatanir, kenslur og sambond millum fólk, stað og umheimin í hesi fyrstu tíðini av alheimsfarsóttini, upplýsir Setrið í dag.

Er kopiera
Nýggjastu sendingar í ÚV
Hósdag 17. oktober
Dreymsótt 1.partur
182201
Hósdag 17. oktober
Breddin: Aktivisma
182184
Mikudag 16. oktober
Skratsj 16. oktobur 2024
182166
Mikudag 16. oktober
Góðan morgun Føroyar
182136
Mikudag 16. oktober
LEITISSTEIN 15.10.2024
182135
Nýggjastu sendingar í SV
Hósdag 17. oktober
Sært tú fuglin? II (2:2)
182194
Týsdag 15. oktober
Veðrið - teknmálstulkað
182120
Týsdag 15. oktober
Dagur og vika - teknmálstulkað
182119
Týsdag 15. oktober
Veðrið
182112
Týsdag 15. oktober
Fletta í Kongsstovu
182110