- Tíðindi, mentan og ítróttur
20 næmingar í fyrsta flokki og eftirútbúgving raðfestast
Ein fyrsti flokkur við í mesta lagi 20 næmingum og hægri raðfesting av eftirútbúgving hjá lærarum.
Tað eru tvey av tilmælunum hjá arbeiðsbólkinum, sum í dag handaði landsstýrismanninum í útbúgvingarmálum, Djóna Nolsøe Joensen, álit um broytingar í fólkaskúlalógini.
Jenny Lydersen, undirvísingarleiðari í barna- og útbúgvingarmálaráðnum, hevur verið forkvinna í arbeiðsbólkinum, sum hevur verið breitt samansettur av myndugleikum, skúlum, feløgum og øðrum, sum hava við fólkaskúlan at gera.
Hoyr samrøðu við Jenny Lydersen í útvarpstíðindunum:
- Eg fari at gera alt fyri, at hetta álitið um broytingar í fólkaskúlalógini verður brúkt, og nógv av innihaldinum sett í verk, sigur Djóni Nolsøe Joensen, landsstýrismaður í barna- og útbúgvingarmálum:
