Landsstýrið gjørt nýggja kappingarlóg

Uppskot er gjørt um nýggja kappingarlóg. Tað kom í løgtingið fríggjadagin.

Høvuðsorsøkin til, at gjørd er nýggj lóg og ikki eitt broytingaruppskot, er, at viðmerkingarnar í galdandi lóg eru broyttar ella endurskoðaðar, tí tær ofta ikki eru sambært galdandi siðvenju, sigur Uttanríkis- og vinnumálaráðið, 

Uppskotið um nýggja lóg byggir tó eins og galdandi lóg á kappingarreglurnar hjá ES.

Endamálið er eisini, at Føroyar kunnu fara í norðurlendsku samstarvsavtaluna um kapping. Hon er frá 2017.  

Nágreina arbeiðsbýtið

Eitt annað endamál er at nágreina galdandi arbeiðs- og heimildarbýti millum Kappingarráðið og Kappingareftirlitið. 

Haraftrat skal revsingin herðast fyri at vera við í kartellvirksemi. Og ómaksgjald verður lagt á fráboðanir um samanlegging.

Nakrar freistir í galdandi lóg eru broyttar í uppskotinum um nýggja lóg.

Galdandi kappingarlóg kom í 2008.