Umbyggja høli hjá Apoteksverkinum

Løgtingið fer í dag at viðgera eitt uppskot frá landsstýrinum um at umbyggja hølini hjá Apoteksverkinum við Staraveg í Havn fyri 19 milliónir kr.

Heilsumálaráðið hevur biðið heimildina. 

Partur av goymsluhøllini skal gerast til tvær hæddir. Nýggj avgreiðsla og nýtt goymslurúm skulu gerast og fleiri høli til fundir og undirvísing. Eisini skulu gerast skrivstovur og felags matstova. 

Liðugt næsta ár

Umbyggingin skal vera liðug næsta ár.

Verkætlanin er mett at kosta 20 mió. kr., tí ein millión er longu brúkt til fyrireiking.

Á framleiðsludeildini hjá Apoteksverkinum verða gjørdar 200 vørur.