- Tíðindi, mentan og ítróttur
Zelenskyy hevur telefonfund við Trump
Zelenskyy hevur telefonfund við Trump
Ukrainski forsetin sigur, at avtalan hjá Putin um at gevast við álopum á orkuverk í Ukraina samsvarar ikki veruleikan eftir dronuálop um alt Ukraina
Ukrainski forsetin hitti í dag finska starvsbróðurin, Alexander Stubb, í Helsinki.
Mynd: Reuters/Ritzau Scanpix
19.03.2025 - 15:11
Telefonfundurin millum amerikanska forsetan, Donald Trump, og ukrainska forsetan, Volodomir Zelenskyy, er byrjður.
Tað vátta Hvítu húsini og skrivstovan hjá ukrainska forsetanum.
Zelenskyy segði á tíðindafundi í finska høvuðsstaðnum Helsinki í dag, at hann fer at tosa við Donald Trump um smálutirnar í samrøðuni millum amerikanska forsetan og Vladimir Putin.
Trump og Putin tosaðu í telefon í gjár.
Zelenskyy sigur, at avtalan hjá russiska forsetanum, Vladimir Putin, um at steðga álopum á orkuverk í Ukraina, samsvarar ikki við veruleikan eftir eina røð av dronuálopum um alt Ukraina.
Zelenskyy leggur aftrat, at eitt av teimum torførastu málunum í framtíðar samráðingum verður spurningurin um ræði yvir landøkjum.
Er kopiera
Nýggjastu sendingar í ÚV
Nýggjastu sendingar í SV
