Nýggi kanslarin væntar harðar samgongutingingar

Nýggi kanslarin væntar harðar samgongutingingar
Flokkarnir, sum ætla at skipa samgongu í Týsklandi, hava longu gjørt avtalu um stóran fíggjarpakka fyri undirstøðukervið og verjuna
Friedrich Merz verður væntandi nýggjur samveldiskanslari í Týsklandi.
Mynd: Reuters/Ritzau Scanpix  
 
17.03.2025 - 11:32

Komandi samveldiskanslarin í Týsklandi, Friedrich Merz, sigur, at samgongusamráðingarnar við sosialdemokratiska flokkin, SPD, verða harðar.

- Í fyrstu atløgu mugu vit tosa um nýskipanir og møguligar skerjingar á fíggarlógini, segði Merz við týska kringvarpið, ARD, í gjár.

Hann er leiðari fyri kristin-konservativu samgonguni CDU og CSU, sum vann valið í februar.

Samgongan er í samráðingum við flokkin hjá fráfarandi forsætisráðharranum, Olaf Scholz, SPD.

 

Avtala fyri 3.730 milliardir

Flokkarnir hava gjørt avtalu um ein slóðbrótandi fíggjarpakka fyri undirstøðukervið og verjuna. Hann kemur til viðgerar í samveldistinginum í morgin.

Fíggjarpakkin kostar 500 milliardir evrur, sum eru 3.730 milliardir krónur.

Nógvar atfinningar hava verið móti pakkanum, ikki bara av tí, at hann er so stórur, men eisini tí ætlanin er at slaka í grundalógarbundna markinum um almenna skuld. 

Skal pakkin verða samtyktur í samveldistinginum, krevst avgjørdur meiriluti. Tað er, at  tveir triðingar av samveldistinginum atkvøða fyri uppskotinum.

Er kopiera
Nýggjastu sendingar í ÚV
Mánadag 17. mars
NSÍ er tjekka inn
189329
Mánadag 17. mars
Morgunlestur mánadagur 17.mars 2025
189183
Sunnudag 16. mars
Doktor Sophus (3:3)
189274
Sunnudag 16. mars
Doktor Sophus (2:3)
189272
Sunnudag 16. mars
Doktor Sophus (1:3)
189271
Nýggjastu sendingar í SV
Sunnudag 16. mars
Andakt - Pól í Skorini
189301
Sunnudag 16. mars
Hondbóltur: Niðurlond - Føroyar
189292
Leygardag 15. mars
Dagur og vika - teknmálstulkað
189238
Fríggjadag 14. mars
Veðrið
189226