Flokkarnir viðgera nú ríkisrættarligu støðuna

Forfólkini í øllum flokkum á tingi sita í løtuni í Tinganesi og viðgera ríkisrættarligu støðuna.

Aksel V. Johannesen, løgmaður, hevur kallað inn til fundin, sum byrjaði klokkan hálvgum trý.

Einar sjálvstøðugar Føroyar, við einum slagi av samveldissáttmála og tøttum samstarvi við Danmark á fleiri økjum, tykist liggja í kortunum.

Endamálið við fundinum í dag er at vita, um tað ber til at finna eina breiða, politiska tjóðarsemju um ríkisrættarligu støðuna.

Seemjan tykist vera nærri, enn hon nakrantíð áður hevur verið. Tað kom greitt fram á kjakfundi, sum Sambandsflokkurin skipaði fyri í gjárkvøldið.

Samrøður hava verið millum Aksel V. Johannesen, løgmann, og Mette Fredriksen, forsætisráðharra, í drúgva tíð um ríkisrættarliga spurningin.

Løgmaður segði á fundinum hjá Sambandsflokkinum í gjárkvøldið,  at hann ætlar, at semjan skal vera klár at leggja fyri danir á ríkisfundinum, sum verður í Føroyum í juni.

Myndir: Bjarni Árting Rubeksen

Ríkisfelagsskapur, ríkisrættarliga støðan, fundur um ríkisfelagsskapin

Aksel V. Johannesen, fundur um ríkisrættarligu støðuna

Ríkisfelagsskapur, ríkisrættarliga støðan, fundur um ríkisfelagsskapin

Ríkisfelagsskapur, ríkisrættarliga støðan, fundur um ríkisfelagsskapin, Jenis av Rana

Ríkisfelagsskapur, ríkisrættarliga støðan, fundur um ríkisfelagsskapin, Beinir Johannesen

Ríkisfelagsskapur, ríkisrættarliga støðan, fundur um ríkisfelagsskapin, Bárður á Steig Nielsen

Ríkisfelagsskapur, ríkisrættarliga støðan, fundur um ríkisfelagsskapin