- Tíðindi, mentan og ítróttur
Vermland fingið nýggjari skip
Vermland fingið nýggjari skip
Skipið fer á sleipistøð hjá MEST at gera ymsar umvælingar, áðrenn tað fer í fóðursigling
Hetta er skipið, sum smápartafelagið Vermland hevur keypt, og sum eisini fær navnið Vermland.
Mynd: VesselFinder
10.12.2024 - 15:12
Smápartafelagið Vermland í Streymnesi hevur fingið nýtt skip, sum eisini eitur Vermland. Skipið kemur fyri gamla skipið, sum hevði sama navn.
Skipið er skrásett í føroysku altjóða skipaskrásetingini, FAS.
Nýggi Vermland er bygdur í 2016 og er 2.999 bruttotons til støddar. Hetta er nakað størri enn gamla skipið, sum er 2.199 bruttotons til støddar.
Vermland er 85 metrar langur og 15 metrar breiður.
Skipið skal nú á beding hjá MEST at gera ymsar umvælingar. Síðani skal skipið yvirtaka fóðursiglingina hjá gamla Vermland.
Er kopiera
Nýggjastu sendingar í ÚV
Leygardag 18. januar
TEMAPLÁTAN: Welcome to the Pleasuredome, Frankie Goes To Hollywood, 1984
186486
Nýggjastu sendingar í SV
