Vápnahvíldin millum Ísrael og Hamas er nú komin í gildi

Vápnahvíldin millum Ísrael og Hamas er nú komin í gildi
Vápnahvíldin varð útsett í nakrar tímar, tí Ísrael hevði ikki fingið navnalistan yvir teir tríggjar gíslarnar, sum skulu latast leysir seinni í dag
 
19.01.2025 - 10:21

Skrivstovan hjá ísraelska forsætisráðharranum upplýsir, at vápnahvíldin kom í gildi klokkan 11:15 lokala tíð - tað er klokkan 09:15 føroyska tíð. 

Tað skrivar Reuters.

Vápnahvíldin skuldi annars byrja klokkan hálvgum sjey okkara tíð í morgun, men varð útsett, tí Ísrael ikki hevði fingið navnalistan yvir teir tríggjar gíslarnar, sum eru kvinnur, ið skulu latast leysir seinni í dag.

Ísrael fekk navnalistan fyri stuttari tíð síðan, og hevur eftirfylgjandi boðað frá, at vápnahvíldin er komin í gildi eftir eina lítla seinking.

Tær tríggjar kvinnurnar eru 31 ára gamla Doron Steinbrecher, 28 ára gamla Emily Damari og 24 ára gamla Romi Gonen, skrivar BBC.

Tilsamans 33 gíslar verða væntandi leyslatnir í fyrsta umfari av vápnahvíldini. Á X hevur Ísrael upplýst, hvørjir teir 33 gíslarnir eru.
 

Er kopiera
Nýggjastu sendingar í ÚV
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Fríggjadag 4. apríl
Vikuskiftið 4 apríl 2025
190276
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208