Herferð í New York: Vilja hava Danmark at leyslata Paul Watson

Tað verður arbeitt á øllum mótum, fyri at leggja trýst á donsku stjórnina og Mette Frederiksen, forsætisráðharran, í royndini at fáa donsku løgregluna at leyslata kanadiska umhvørvisatgerðarmannin Paul Watson. 

Politiið í Nuuk í Grønlandi tók tann 21. juli Paul Watson, tá umstrýddi kanadiarnin og hansara fólk løgdu at landi í Nuuk at bunkra við skipinum John Paul de Joria ávegis Dublin í Kyrrahavið at leggja seg út í japansku hvalaveiðuna har.

Paul Watson vartikin, tí altjóða boð, tey eru úr Japan, eru um at handtaka hann. Hann er eftirlýstur í nógvum londum. 

Nú verður mett um, hvørt Paul Watson skal útflýggjast Japan. 

Paul Watson herferð, New York

Herferð í New York

Nógv eru tó tey, ið stuðla Paul Watson og hansara umhvørvisatgerðum. Fleiri kend fólk, eitt nú sjónleikarar og tónleikarar, og politikarar hava heitt á donsku stjórnina um at lata Paul Watson leysan. 

Nýggjast átakið í herferðini kemur úr New York, har tað seinastu dagarnir eru sæddir smáir lastbilar við talgildum skermum, sum heita á danska forsætisráðharran, Mette Frederiksen, um at lata Paul Watson leysan. 

Hetta verður gjørt undir herrópinum: 

"Forsætisráðharri Frederiksen: Atgerðarstevnur eru ikki brotsverk."

Paul Watson herferð, New York

Fingu sekt í Føroyum

John Paul DeJoria var í føroyskum sjógvi í fjør summar.

Skiparin tá, Daniel Binyon, fekk 157.000 kr. í sekt í Føroya rætti fyri fýra lógarbrot.

Hann skeyt dómin inn fyri Landsrættin, sum vísti málinum frá sær, tí skiparin ikki møtti í rættinum.