Spennandi fótbóltsdystir í kvøld

Spennandi fótbóltsdystir í kvøld
Fremstu liðini í Betrideildini við monnum, Víkingur og HB, vitja hjá ávikavist B36 og NSÍ í týðandi dystum. Kvinnurnar hjá HB og NSÍ spæla hálvfinalu í steypakappingini
Gezá Dávid Turi og Víkingur skulu á vitjan hjá B36 í Gundadali í dag
Mynd: Leit  
 
27.08.2024 - 14:59

Tveir spennandi dystir í Betrideildini við monnum verða spældir í kvøld. 

Oddaliðið, Víkingur, vitjar B36 í Gundadali. Liðini spældu fyri kortum, og ta ferðina vann Víkingur tepurt 2-1, við tveimum brotssparksmálum frá Atla Gregersen.

Víkingur tapti seinnu hálvfinaluna í steypakappingini fyri HB fríggjakvøldið, og spurningurin er, um 4-3 tapið kann órógva oddaliðið úr Sarpugerði ímóti B36, sum hevur sæð betri út síðstu vikurnar. Arnbjørn Svensson var vístur av vølli í dystinum ímóti HB, og tí skal nýggjur maður í miðverjuna hjá Víkingi undir liðina á Atla Gregersen.


Áki D. Samuelsen hevur ikki spælt í seinastuni, og er ivasamur til dystin ímóti NSÍ í kvøld. Jelle Van der Heyden og B36 taka ímóti Víkingi í Gundadali. (Mynd: Leit)


HB eltir Víking, og skal tað eydnast at fáa oddaliðið aftur, er neyðugt at vinna á NSÍ við Løkin. HB manglar leikbannaðu Mathias Voss og Jákup Thomsen, og ivasamt er, um Áki D. Samuelsen er klárur at spæla. 

Kringvarpið varpar út frá báðum dystunum í kvøld. Byrjað verður eftir tíðindini á nátturða.

Kvinnurnar hjá HB og NSÍ spæla eisini hálvfinalu í steypakappingini. Tann dysturin er á Tórsvølli og byrjar klokkan 18:00.

Er kopiera
Nýggjastu sendingar í ÚV
Leygardag 5. apríl
PLÁTUPANELIÐ #028 (1995)
190304
Leygardag 5. apríl
14. Jambalaja
190302
Leygardag 5. apríl
Upp á tá - 040425
190297
Leygardag 5. apríl
Vikan 5. apríl 2025
190296
Leygardag 5. apríl
Morgunlestur leygardagur 5.apríl 2025
189980
Nýggjastu sendingar í SV
Leygardag 5. apríl
Nations League 2025: Føroyar - Moldova 2-0
190286
Fríggjadag 4. apríl
Veðrið
190275
Fríggjadag 4. apríl
KAKUMiKS (2:7)
190170
Fríggjadag 4. apríl
Dagur og vika - teknmálstulkað
190243
Hósdag 3. apríl
Dagur og vika - teknmálstulkað
190208