Hava fingið av felagskvotuni

Nøkur uppsjóvarskip hava fingið burtur av felagskvotuni av svartkjafti við hámarki.

Skipini fáa 2.500 tons hvørt.

35.000 tons eru latin sum felagskvota við hámarki.

Ein kæra um júst hetta svartkjaftabýtið hjá Dennisi Holm, landsstýrismanni í fiskivinnumálum, er farin til landsstýrismálanevndina hjá løgtinginum.

Árni Skaale, tingmaður hjá Fólkaflokkinum og fyrrverandi landsstýrismaður í fiskivinnumálum, kærdi.

Missa svartkjaft

Landsstýrismálanevndin hevur ikki gjørt nakra niðurstøðu enn.

Tað verður í fyrsta lagi í august.

Felagið Nótaskip heldur ikki, at landsstýrismaðurin uttan nakað kann taka søgulig rættindi frá skipunum.

Nótaskipini missa 3.512 tons av svartkjafti hvørt, og tey fýra íðnaðarskipini missa ávikavist 3.749, 424 og 33 tons hvørt., sigur felagið.

Felagið umhugsar møguleikan at stevna Fiskimálaráðnum, men bíðar fyribils eftir niðurstøðuni hjá landsstýrismálanevndini.